Alþjóðlegt samstarf er orðið einn af hornsteinum starfseminnar í Vallaskóla. Með virkri þátttöku í Erasmus+ verkefnum hafa tækifæri nemenda og starfsfólks til að sækja innblástur út fyrir landsteinana, efla tengslanet sitt og dýpka skilning á ólíkum menningarheimum aukist umtalsert. Vallaskóli er stoltur Erasmus+ skóli þar sem horft er til framtíðar með víðsýni og metnað að leiðarljósi.

Gengið hefur verið frá ráðningu Guðrúnar Jóhannsdóttur í starf skólastjóra Barnaskólans á Eyrarbakka og Stokkseyri frá og með 1. ágúst 2026. 

Úthlutun Barnamenningarsjóðs fór fram þann 31. maí sl., á sjálfum degi barnsins, til fjölbreyttra verkefna á landsvísu. Ánægjulegt er að sjá Suðurlandið koma sterkt inn í úthlutun ársins, en tvö glæsileg sunnlensk verkefni hlutu samtals 7,9 milljónir króna úr sjóðnum. Samtök sunnlenskra sveitarfélaga hlutu 6 milljóna króna styrk fyrir Barnamenningarhátíð Suðurlands 2027 og Sinfóníuhljómsveit Suðurlands hlaut 1,9 milljónir króna til að halda skólatónleika. En ríflega helmingur styrktra verkefna nær til landsbyggðarinnar.